扮亞視記者@領匯職員扮亞視記者

扮亞視記者@領匯職員扮亞視記者

白衣男惹傳媒質疑

【明報專訊】領匯房地產基金（0823）噚日舉行股東大會，吸引唔少示威者同傳媒，但現場仲有一個冒認亞視記者嘅白衣男人，佢形迹可疑，有示威者質疑佢係「便衣警察」時，佢更急急腳搭走。到晚上真相大白，領匯發言人向傳媒證實，該白衣男子是其員工，他因為情急之下衝口而出才說是記者，指職員經驗不足或處事不當，稱已致電亞視道歉。

一度被質疑是警員

領匯監察、街市清潔職工會同社民連等團體噚日向領匯抗議地產霸權。社記中午上載一段影片，片中有示威者質疑呢個白衣男冒認亞洲電視記者，要求佢「如果係差人，唔好講大話」。戴住免提耳筒嘅仁兄初時都唔願講，但問多兩句，就話自己「唔係差人」。

扮亞視記者由於佢形迹可疑，好快引起記者注意，有記者向佢「挑機」，問佢知唔知亞視「坐堂（採訪主任）」係邊個。但呢個男人一直表現鎮定，仲用手遮擋鏡頭，最後佢一面行向人群、一面搭離開。